“Rahbar va yoshlar uchrashuvi” doirasida harbiy qismda ochiq muloqot tashkil etildi
2026-04-16 16:25:00 / Yangiliklar
Mazkur tashabbus doirasida Yangiyo‘l shahrida ham har haftaning payshanba kuni “Rahbar va yoshlar uchrashuvi” izchil hamda tizimli ravishda tashkil etib kelinmoqda.
Xususan, bugun 75559-sonli harbiy qismda umumta’lim maktablarini bitiruvchi hamda harbiy xizmatga qiziqish bildirgan yoshlar ishtirokida navbatdagi uchrashuv o‘tkazildi.
Uchrashuv davomida yoshlar uchun harbiy xizmatning ahamiyati, Vatanga sadoqat, intizom va mas’uliyat kabi muhim tushunchalar keng yoritildi.
Shuningdek, harbiy sohada ta’lim olish, xizmatga kirish tartibi va mavjud imkoniyatlar haqida mutaxassislar tomonidan batafsil ma’lumotlar berildi.
Tadbir yakunida yoshlar o‘zlarini qiziqtirgan savollarga javob olib, kelajakdagi kasb tanlovi borasida zarur tavsiyalar bilan ta’minlandi.