Yangiyo‘l shahrida voyaga yetmaganlar manfaatlarini himoya qilish borasidagi ishlar davom etmoqda
2026-02-13 11:30:00 / Yangiliklar
Shu munosabat bilan Yangiyo‘l shahar hokimi R.Raimov raisligida shahar prokurori E.Sanokulov, shahar IIB boshlig‘i E.Sultonov, shahar Davlat soliq inspeksiyasi boshlig‘i R.Babayev, tegishli korxona va tashkilotlar rahbarlari hamda “mahalla yettiligi” vakillari ishtirokida navbatdagi yig‘ilish o‘tkazildi. Yig‘ilish kun tartibiga voyaga yetmaganlar foydasiga aliment undirish bilan bog‘liq masalalar kiritilib, mavjud qarzdorlik holatlari, ijro intizomi hamda aliment to‘lovlarining o‘z vaqtida va to‘liq amalga oshirilishi yuzasidan olib borilayotgan ishlar muhokama qilindi.
Mutasaddi rahbarlar tomonidan har bir murojaat va ijro hujjati kesimida tahlillar taqdim etilib, aliment to‘lovidan bo‘yin tovlash holatlarining oldini olish, qarzdorlikni qisqartirish, fuqarolarning huquqiy ongi va mas’uliyatini oshirish bo‘yicha aniq chora-tadbirlar belgilab olindi.
Ushbu yo‘nalishda sektor rahbarlari va mahallalar bilan hamkorlikda manzilli ishlash, har bir oilaning holatini o‘rganish hamda muammolarni joyida hal etish ustuvor vazifa etib belgilandi. Yig‘ilish yakunida mas’ul tashkilotlarga aliment undirish jarayonlarini yanada kuchaytirish, ijro hujjatlari bajarilishini qat’iy nazoratga olish hamda voyaga yetmaganlarning manfaatlarini ta’minlash borasidagi tizimli ishlarni davom ettirish bo‘yicha tegishli topshiriqlar berildi.