Farovon mahallasida “Ma’naviyat karvoni” doirasida targ‘ibot tadbiri o‘tkazildi
2026-01-26 10:50:00 / Yangiliklar
O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasi hamda “O‘zbekiston – 2030” strategiyasida belgilab berilgan ustuvor vazifalar ijrosini ta’minlash, ularning mazmun-mohiyatini keng jamoatchilikka yetkazish maqsadida Yangiyo‘l shahar Farovon mahallasida “Ma’naviyat karvoni” doirasida targ‘ibot tadbiri tashkil etildi.
Mazkur tadbirda Respublika ishchi guruhi a’zolari, Yangiyo‘l shahar hokimi o‘rinbosarlari, tegishli soha mutaxassislari, mahalla faollari hamda keng jamoatchilik vakillari ishtirok etdi. Tadbir davomida mahalla aholisi bilan ochiq va samimiy muloqot o‘tkazilib, Prezidentimiz Murojaatnomasi hamda “O‘zbekiston – 2030” strategiyasida belgilangan vazifalarni amalga oshirishda fuqarolarning ijtimoiy faolligi, fuqarolik mas’uliyati va tashabbuskorligi muhim ahamiyat kasb etishi alohida ta’kidlandi.
Shuningdek, aholi tomonidan bildirilgan taklif, fikr va murojaatlar atroflicha tinglanib, ko‘tarilgan masalalarni hal etish bo‘yicha tegishli mas’ullar tomonidan aniq chora-tadbirlar belgilanishi ma’lum qilindi.