Xalqlar do‘stligi — tinchlik va hamjihatlik asosi
2025-07-31 20:15:00 / Yangiliklar
#Yangiobod_tumani
Xalqlar do‘stligi — tinchlik va hamjihatlik asosi!
30 iyul kuni Xalqlar do‘stligi kuni munosabati bilan Yangiobod tumanidagi Do‘stlik mahallasi Chakand qishlog‘ida tantanali tadbir tashkil etildi.
Tadbirda Yangiobod tumani hokimi o‘rinbosari A.Nishonov ishtirok etib, qardosh millat va elatlar vakillarini bayram bilan samimiy muborakbod etdi.
— Bugungi tinch va osuda hayotimiz, barqaror taraqqiyotimizning asosida xalqlar o‘rtasidagi o‘zaro hurmat, birodarlik va ahillik yotadi. Biz Yangiobodda turli millat vakillari o‘rtasida o‘zaro hurmat va do‘stlikni yanada mustahkamlashga alohida e’tibor qaratamiz, — dedi tuman hokimi o‘rinbosari.
Tadbirda tuman hokimligi nomidan qardosh xalq vakillariga tashakkurnomalar hamda esdalik sovg‘alar topshirildi. Shuningdek, tadbir doirasida milliy qo‘shiq va raqslar tashkil etildi.