Jizzax viloyati Yangiobod tumani hokimligi

Xalq deputatlari tuman Kengashi raisi, tuman hokimi Ibrohim Qarshiboyev raislik qilgan mazkur sessiyada tuman kengashi deputatlari, tuman hokimi o'rinbosarlari, kun tartibidagi masalalarga aloqador tashkilot va muassasa rahbarlari hamda ommaviy axborot vositalari vakillari ishtirok etishdi.

Sessiya ishida deputatlar tomonidan quyidagi 6 ta masala ko'rib chiqildi:

-Yangiobod tumanida 2025-yilda aholining doimiy, mavsumiy va vaqtinchalik ishlarda bandligini ta’minlash to‘g‘risida;

-Tuman mahalliy byudjetida 2025-yil boshiga shakllangan qo‘shimcha manbalar hisobidan mablag‘ ajratish to‘g‘risida;

-O‘zbekiston Respublikasi Vazirlar Mahkamasining 2022-yil 31-martdagi “Xotin-qizlar muammolarini o‘rganish va hal etish tizimini yanada takomillashtirish chora-tadbirlari to‘gʻrisida”gi 145-sonli qaroriga asosan tumanda amalga oshirilgan ishlar to‘g‘risida;

-2024-yilda “Tashabbusli byudjet” jarayonining 1- va 2-mavsumida amalga oshirilgan ishlar to‘g‘risida;

-O‘zbekiston Respublikasining 2024-yil 5-avgustdagi “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida” O‘RQ-937-sonli Qonunining tumandagi ijrosi haqida;

-Xalq deputatlari tuman Kengashi deputatlari tomonidan 2025-yil davomida deputatlik faoliyati yuzasidan o‘z saylovchilari oldida axborot berishi bo‘yicha Reja-grafigini tasdiqlash to‘g‘risidagi masalalar deputatlar tomonidan muhokama qilinib, tegishli qaror loyihalari tasdiqlandi.