Sarmich mahallasida aholi murojaatlari yuzasidan amaliy uchrashuv o‘tkazildi
2026-07-09 09:00:00 / Yangiliklar
Uchrashuvda Yangiobod tumani hokimi, Xalq deputatlari Yangiobod tuman Kengashi deputati Ibrohim Qarshiboyev, tuman IIB boshlig‘i Jo‘rabek Xojanov, tegishli korxona va tashkilotlar rahbarlari hamda mahalla aholisi ishtirok etdi.
Muloqot davomida fuqarolar tomonidan uzoq yillardan buyon yechimini kutayotgan muammolar va dolzarb masalalar ochiq muhokama qilindi. Bildirilgan har bir murojaat atroflicha o‘rganilib, ularni qisqa muddatlarda bartaraf etish bo‘yicha mas'ul tashkilot va idoralar rahbarlariga aniq topshiriqlar hamda ijro muddatlari belgilab berildi.
Ta'kidlanganidek, aholi murojaatlari bilan ishlashda ochiqlik, tezkorlik va qonuniylik tamoyillariga qat'iy amal qilish, fuqarolarni qiynayotgan masalalarni joyiga chiqqan holda hal etish ustuvor vazifa bo‘lib qoladi. Bu kabi amaliy uchrashuvlar mahallalarda muntazam davom ettiriladi.