Pahlavon” sport majmuasidagi sharoitlar va navbatdagi vazifalar ko‘rib chiqildi
2026-10-21 13:00:00 / Yangiliklar
Yangi Namangan tumanidagi Gimnastika sport turlariga ixtisoslashgan sport maktabi tarkibida faoliyat yuritayotgan “Pahlavon” sport majmuasida yaratilgan sharoitlar va mavjud muammolar o‘rganildi.
Majmua 2025-yil davomida davlat budjeti hisobidan ajratilgan 1 milliard 228 million so‘m mablag‘ evaziga tubdan ta’mirlangan. Jumladan, sport zali pol qoplamasi, isitish tizimi, kiyinish va yuvinish xonalari yangilangan.
Bugun tuman hokimi majmuada bo‘lib, sportchilar uchun yaratilgan sharoitlar bilan tanishdi. O‘rganish davomida bajarilgan ishlar bilan bir qatorda, hali yechimini kutayotgan masalalarga ham e’tibor qaratildi.
Xususan, binoning tom qismini hamda cho‘milish havzasini mukammal ta’mirlash, mavjud kamchiliklarni bartaraf etish va sportchilar uchun yanada qulay sharoit yaratish bo‘yicha zarur vazifalar belgilab olindi.
Yangi Namangan tumani hokimligi axborot xizmati