Furqat mahallasida kambag‘allikni qisqartirish bo‘yicha amaliy ishlar boshlandi
2026-09-04 19:35:00 / Yangiliklar
Yig‘ilishda belgilangan vazifalar ijrosini ta’minlash maqsadida Yangi Namangan tumanida ham mahallalar kesimida amaliy ishlar boshlandi.
Xususan, Furqat mahallasi misolida kambag‘allikni qisqartirish, ishsizlikni kamaytirish va aholi bandligini ta’minlash bo‘yicha loyiha taqdimoti o‘tkazildi.
Taqdimot davomida mahalladagi har bir oila va ishsiz fuqaroning holatiga alohida yondashish, ularga munosib ish topish, tadbirkorlik boshlashi uchun sharoit yaratish, imtiyozli kredit va subsidiyalardan samarali foydalanish masalalariga e’tibor qaratildi.
Shuningdek, doimiy ish o‘rinlari yaratish, kasanachilikni yo‘lga qo‘yish, tikuvchilik yo‘nalishini kengaytirish hamda aholiga daromad keltiradigan yangi loyihalarni amalga oshirish bo‘yicha aniq vazifalar belgilab olindi.
Bunda asosiy e’tibor har bir oilani kambag‘allikdan chiqarish, ishsiz fuqarolarni daromadli mehnatga jalb etish va mahallada farovonlikni ta’minlashga qaratiladi.
Yangi Namangan tumani hokimligi axborot xizmati