“Yoshlik” mahallasida 198 ta tayanch ustun o‘rnatilib, 5,8 km yangi elektr tarmog‘i tortilmoqda
2026-07-22 15:55:00 / Yangiliklar
Yangi Namangan tumani hokimining “Yoshlik” mahallasiga tashrifi davomida aholi tomonidan elektr ta’minotini yaxshilash, yo‘llarni ta’mirlash, chiqindilarni o‘z vaqtida olib chiqish va bandlikni ta’minlash bo‘yicha qator taklif va murojaatlar bildirilgan edi.
Bugungi kunda ushbu murojaatlar asosida amaliy ishlar olib borilmoqda. Xususan, mahallaning “2-Islomobod” ko‘chasida 198 ta tayanch ustun o‘rnatilib, 3 ta transformator punkti hamda 5,8 kilometr yangi elektr tarmog‘i tortilmoqda.
Ushbu ishlar yakunlangach, hududda yashoachi 300 nafar aholining elektr ta’minoti sezilarli darajada yaxshilanadi.
Yangi Namangan tumani hokimligi axborot xizmati