Ijtimoiy xizmatlar samaradorligini oshirish bo‘yicha vazifalar belgilab berildi
2026-07-08 18:20:00 / Yangiliklar
Yangi Namangan tumani hokimi mahallalarda faoliyat yurituvchi ijtimoiy xodimlar hamda patronaj hamshiralari bilan ochiq muloqot o‘tkazdi.
Uchrashuvda sohadagi mavjud holat va xizmatlar samaradorligi tahlil qilinib, aholiga ko‘rsatilayotgan xizmat sifati, muomala madaniyati, ishdagi sustkashlik va loqaydlik holatlari tanqidiy muhokama etildi.
Shuningdek, xizmat sifatini oshirish, aholi bilan manzilli ishlash, fuqarolarni qiynayotgan muammolarni o‘z vaqtida hal etish, bemorlar, ayniqsa davolanish va jarrohlik amaliyotiga muhtoj fuqarolar bilan alohida yondashuv asosida ishlash bo‘yicha aniq vazifalar belgilab berildi.
Muloqotda xodimlar o‘rtasida korrupsiya va ta’magirlik holatlarining oldini olish masalasiga alohida e’tibor qaratilib, xizmat vazifalarini halollik va mas’uliyat bilan bajarish zarurligi ta’kidlandi.
Yangi Namangan tumani hokimligi axborot xizmati