Yoshlar uchun yaratilgan imkoniyatlar ta’tilni mazmunli o‘tkazishga xizmat qilmoqda
2026-07-02 12:15:00 / Yangiliklar
Namangan viloyati IIB boshlig‘i Shuhrat Aliyev ta’til davrida o‘quvchilarning bo‘sh vaqtini samarali tashkil etish maqsadida maktabda amalga oshirilayotgan ishlar hamda turli yo‘nalishlarda faoliyat yuritayotgan to‘garaklar va yoshlar uchun yaratilgan shart-sharoitlarni ko‘zdan kechirdi.
Mazkur maktabda har bir o‘quvchining qiziqishi va qobiliyatidan kelib chiqqan holda har xil to‘garak va mashg‘ulotlar yo‘lga qo‘yilgan. Shu bois ta’lim va sport sohalarida turli tanlov hamda musobaqalarda ishtirok etib, yuqori natijalarga erishgan o‘quvchilar soni yil sayin ortib bormoqda.
Bunday yutuqlar maktabda yoshlarni har tomonlama qo‘llab-quvvatlash va ularning qobiliyatlarini ro‘yobga chiqarish bo‘yicha olib borilayotgan tizimli ishlar samarasi ekanligi ta’kidlandi.
Yangi Namangan tumani hokimligi axborot xizmati