Tomorqachilikda yangi yondashuv: xonadon tomida ham ekin yetishtirish yo‘lga qo‘yildi
2026-04-27 11:00:00 / Yangiliklar
Yangi Namangan tumanining “Yoshlik” mahallasida yashovchi Jaloliddin Murodov tomorqasidan unumli foydalanib, oilasi uchun yaxshi daromad qilib kelmoqda.
U 3 sotix yerda limon yetishtirib, yiliga 1,5–2 tonna hosil oladi. Shu orqali oilasiga 50 million so‘mgacha daromad kiryapti.
Bu yil uy sohibi yana bir yangilikka qo‘l urdi. Xonadon tomida ham ekin ekishni boshlab, qulupnay va tarvuz o‘stirmoqda. Ekinlar tomchilatib sug‘orish usulida parvarish qilinmoqda.
Bu kabi ishlar har bir qarich yerdan foydalanish mumkinligini ko‘rsatib, oilalar daromadini oshirishga xizmat qilmoqda.
Yangi Namangan tumani hokimligi axborot xizmati