Namangan viloyati Yangi Namangan tumani hokimligi

Hozirgi kunda 3–7 yoshli bolalar qamrovi 72,5 foizga yetkazilgan bo‘lsa, 2026-yil yakunigacha qamrovni 75 foizga yetkazish ko‘zlangan. Umumta’lim maktablarida ham sifat ko‘rsatkichlarini oshirishga alohida e’tibor qaratilmoqda. Bu o‘quv yilida 11-sinf bitiruvchilarining 64,6 foizi oliy ta’lim muassasalariga kirishi kutilmoqda.

Muloqotda sohadagi mavjud muammolar ochiq muhokama qilindi. Jumladan, ayrim mahallalarda davlat maktabgacha ta’lim tashkilotlari yetishmasligi va mavjud bog‘chalarda navbatlar yuqoriligi qayd etildi. Ushbu muammolarni bartaraf etish maqsadida yangi bog‘chalar qurish va qo‘shimcha binolar barpo etish takliflari ilgari surildi. Shuningdek, bog‘chalarda taomnomaga alohida e’tibor qilish, maktablarda natijadorlikka erishish zarurligi ta’kidlandi.

Aytish joiz, maktab va bog‘chalarda infratuzilmani yaxshilash va zamonaviy jihozlar bilan ta’minlash ishlari ham bosqichma-bosqich amalga oshirilmoqda. 2026-yilda ham mahalliy budjet hisobidan bir qator ta’lim muassasalarida ta’mirlash ishlari bajariladi.

Yig‘ilish yakunida ta’lim sifatini oshirish, qamrovni kengaytirish va zamonaviy tajribalarni joriy etish bo‘yicha aniq vazifalar belgilab olindi.

Yangi Namangan tumani hokimligi axborot xizmati