“Istiqbol” mahallasida “Tashabbusli budjet” doirasida ichki yo‘llar asfaltlanmoqda
2026-04-01 17:20:00 / Yangiliklar
Yangi Namangan tumanida ijtimoiy infratuzilmani takomillashtirish, aholi muammolarini manzilli va samarali hal etish maqsadida amalga oshirilayotgan “Tashabbusli budjet” loyihasi doirasida yana bir muhim ish boshlandi.
Tumanning “Istiqbol” mahallasi aholisi faolligi tufayli loyiha tanlovida g‘olib deb topildi va mahallaga 1,5 milliard so‘m mablag‘ ajratildi. Bu mablag‘ hudud aholisi uchun muhim ahamiyatga ega bo‘lgan ichki yo‘llarni ta’mirlash va asfaltlash ishlariga yo‘naltirilmoqda.
Hozirgi kunda mahallaning “Barkamol” va “Mashxur” ko‘chalaridagi 3,2 kilometr ichki yo‘llar asfaltlanib, soz holatga keltirilmoqda. Bu ishlar mahalla aholisi uchun qulayliklar yaratish, hudud infratuzilmasini yanada rivojlantirish va yashash muhitini yaxshilashga xizmat qiladi.
Yangi Namangan tumani hokimligi axborot xizmati