Gimnastika sport maktabida yosh sportchilarning yutuqlari va kelgusi rejalar muhokama qilindi
2026-03-26 14:15:00 / Yangiliklar
Yangi Namangan tumanidagi gimnastika sport turlariga ixtisoslashgan sport maktabida yosh sportchilar bilan uchrashuv tashkil etildi. Tadbirda Jahon va Xalqaro chempionatlarda oltin, kumush va bronza medallariga ega bo‘lgan 70 nafar sportchi ishtirok etdi. Suhbat davomida yoshlar kelgusi maqsad va rejalari, shuningdek, muvaffaqiyatlarini yanada oshirish yo‘llari bilan bo‘lishdilar.
Ma’lumot uchun, 2025-yil davomida 4 ta sport turi bo‘yicha 10 dan ortiq xalqaro musobaqalarda 50 nafardan ziyod yosh sportchi ishtirok etib, 30 taga yaqin medallar qo‘lga kiritildi. Bu natijalar yoshlarning mehnati va malakali murabbiylar sa’y-harakatining samarasidir.
Uchrashuv davomida sportchilar zaruriy qo‘shimcha jihozlar, majmuaning tom qismi hamda atrof infratuzilmasini yanada yaxshilash masalalari bo‘yicha murojaat qilishdi. Mazkur masalalarni hal qilish uchun mutasaddilar tomonidan zarur choralar belgilandi.
Yangi Namangan tumani hokimligi axborot xizmati