Abu Rayxon Beruniy mahallasida infratuzilmani yaxshilash va obodonlashtirish ishlari davom etmoqda
2026-03-24 12:35:00 / Yangiliklar
Mazkur mahalla Yangi Namangan tumanining markazida joylashgan. Bu yer asosan ko‘p qavatli uylardan iborat bo‘lib, aksariyati o‘tgan asrda qurilgan va hovlilar o‘rtasida o‘zboshimchalik bilan egallab olingan maydonlar, pala-partish to‘siqlar ko‘p edi.
Ayni vaqtda hududdagi eski garajlar hamda noqonuniy qurilmalar bartaraf etilib, atrof tartibga keltirilmoqda. Shuning barobarida, kommunal tizimdagi muammolar hal etilmoqda. Jumladan, 2 km ichki yo‘l asfaltlanadi, ichimlik suvi ta’minoti va sifatini yaxshilash uchun mavjud muammolar bartaraf etilib, 3,5 km tarmoq yangilanmoqda. Elektr ta’minotini yaxshilash uchun esa 1 ta yangi GKTP -630 /kV transformator punkiti qo‘yilib, 1 km yangi yer osti tarmog‘i tortiladi.
Bu ishlar mahallani yanada obod va ko‘rkam qilish, aholi uchun qulay va xavfsiz yashash muhitini yaratishga qaratilgan.
Yangi Namangan tumani hokimligi axborot xizmati