OAV vakillari Abu Rayhon Beruniy mahallasidagi yangilanishlar bilan tanishdi
2026-02-10 10:10:00 / Matbuot anjumanlari
Press-turning dastlabki manzili Yangi Namangan tumanidagi Abu Rayhon Beruniy nomli mahalla bo‘ldi. Bu yerda homiylik mablag‘lari asosida hududni zamonaviy ko‘rinishga keltirish va aholi uchun qulay muhit yaratishga qaratilgan keng ko‘lamli obodonlashtirish va bunyodkorlik ishlari amalga oshirilmoqda.
Loyiha doirasida ko‘p qavatli uylar atrofi tartibga keltirilib, zamonaviy avtoturargohlar, dam olish maskanlari hamda bolalar uchun o‘yin maydonchalari barpo etiladi. Shuningdek, chiqindi tashlash uchun maxsus hududlar va maishiy xizmat ko‘rsatish shoxobchalari tashkil etish ko‘zda tutilgan.
Mazkur ishlar mahalla muhitini zamonaviylashtirish, hudud qiyofasini obod va xavfsiz qilish hamda aholi uchun yanada qulay yashash sharoitlarini yaratishga xizmat qiladi. Shu kabi loyihalar kelgusida “Sihatgoh”, “Ma’naviyat” va “Oromgoh” mahallalari hududlarida ham bosqichma-bosqich amalga oshirilishi rejalashtirilgan.
Yangi Namangan tumani hokimligi axborot xizmati