Xalq deputatlari Yangihayot tumani Kengashining navbatdagi sessiyasi bo‘lib o‘tdi
2026-06-12 18:50:00 / Yangiliklar
Xalq deputatlari Yangihayot tumani Kengashining navbatdagi sessiyasi bo‘lib o‘tdi
Xalq deputatlari Yangihayot tumani Kengashining ikkinchi chaqiriq o'ttiz birinchi sessiyasi bo‘lib o‘tdi.
Sessiya davomida mas’ul rahbarlarning tumanda yoshlar uchun yozgi ta’til davrini mazmunli va samarali tashkil etishga qaratilgan “Dolzarb 90 kun” chora-tadbirlar dasturi hamda “Yoshlar daftari” jamg‘armasi mablag‘larining sarflanishi yuzasidan hisobotlari tinglandi.
Shuningdek, kun tartibidan Yangihayot tumani mahalliy budjetining 2026-yil qo‘shimcha manbalari mablag‘larini xarajatlarga yo‘naltirish, “Infratuzilma va ijtimoiy barqarorlik” jamg‘armasi mablag‘laridan foydalanish, Xalq deputatlari Yangihayot tumani Kengashining 2026-yil 19-maydagi II-30-44-14-220-K/26-sonli qaroriga o‘zgartirish kiritish hamda boshqa dolzarb masalalar ko‘rib chiqildi.
Sessiya yakunida muhokama qilingan masalalar yuzasidan tegishli qarorlar qabul qilinib, mas’ullarga aniq vazifalar belgilab berildi.