Sanoat kooperatsiyasi va davlat xaridlari agentligi direktori Yangihayot tumanida bo‘ldi
2026-05-23 17:15:00 / Yangiliklar
Sanoat kooperatsiyasi va davlat xaridlari agentligi direktori Yangihayot tumanida bo‘ldi
Bugun O‘zbekiston Respublikasi Prezidenti huzuridagi Sanoat kooperatsiyasi va davlat xaridlari agentligi direktori Yangihayot tumanida bo‘lib, tuman hokimining o‘rinbosarlari va mutasaddilar bilan birgalikda hududdagi bir qator ishlab chiqarish korxonalari faoliyatini o‘rgandi.
O‘rganishlar davomida mas’ullar “Artikul Aziya Kabel” elektr kabellari ishlab chiqarish korxonasi, “East Can Solution” MChJning ichimliklar uchun alyumin qadoqlar ishlab chiqarish loyihasi, “Jac Motors Toshkent” MChJ QKning yengil tijorat avtomobillari va elektromobillar ishlab chiqarish loyihasi hamda “Maxcopper” MChJning mis quvur mahsulotlarini ishlab chiqarish loyihalarida bo‘lib, ularning ishlab chiqarish quvvati, mavjud imkoniyatlari hamda eksport salohiyati bilan yaqindan tanishdi.
Shuningdek, korxonalar faoliyatini yanada rivojlantirish, ishlab chiqarish hajmini oshirish, tashqi bozorlarga chiqish imkoniyatlarini kengaytirish hamda ishlab chiqarish jarayonida uchrayotgan ayrim muammo va to‘siqlarni bartaraf etish masalalari muhokama qilindi.