Qashqadaryo viloyati Yakkabog' tumani hokimligi

Ta’lim muassasalari va pedagoglar tarkibi Tuman hududida jami 105 ta ta’lim muassasasi faoliyat yuritmoqda. Shularning: 103 tasi umumiy o‘rta ta’lim maktabi 1 tasi Prezident agentligiga qarashli ixtisoslashtirilgan maktab 1 tasi “Barkamol avlod” bolalar maktabi Jami 5254 nafar pedagog faoliyat olib bormoqda, ularning 73,2 foizi oliy ma’lumotli, 13,1 foizi birinchi toifali, 7,8 foizi oliy toifali. 4,5 foiz pedagoglar kasbiy sertifikatlarga ega. O‘quvchilar soni va bitiruvchilar natijalari Hozirda tumanda 51616 nafar o‘quvchi ta’lim olmoqda. 2025-2026-o‘quv yilida 5985 nafar bola 1-sinfga qabul qilinishi kutilmoqda, shundan 90 nafari rus sinflariga. Joriy o‘quv yilida 3099 nafar 11-sinf bitiruvchilaridan: 91 nafar oltin medal, 6 nafar kumush medal, qolganlari oddiy attestatga ega bo‘ldi. Shuningdek, 123 nafar o‘quvchi muddatidan oldin talabalikka qabul qilinish imkoniyatiga ega bo‘ldi. Qurilish va ta’mirlash ishlari 2024-2025-o‘quv yilida Prezident qarori asosida 5 ta ta’lim tashkilotida qurilish-ta’mirlash ishlari amalga oshirildi. 2025-yilda esa qator yirik loyihalar amalga oshirilmoqda: Jaychi MFY – 660 o‘rinli yangi maktab qurilib, yangi o‘quv yilida ishga tushiriladi. Darxon, Kattabog‘, Samoq MFYlarida qo‘shimcha o‘quv binolari barpo etildi. Uyg‘ur MFY – 150 o‘rinli maktabgacha ta’lim muassasasi qurilishi rejalashtirilgan. 2025-2028-yillarda “Islom taraqqiyoti” banki mablag‘lari asosida bir qator maktablarda sport zallari quriladi. 2026-yilda Obod MFYda 1650 o‘rinli zamonaviy maktab binosi barpo etiladi. Zamonaviy jihozlar bilan ta’minlash Prezident qarori ijrosi doirasida bir nechta maktab va davlat maktabgacha ta’lim tashkilotlariga: 16 ta informatika xonasi uchun zamonaviy kompyuter jihozlari, maktab direktor o‘rinbosarlariga 11 turdagi kompyuter jamlanmalari, 33 ta maktabgacha ta’lim tashkilotiga planshet qurilmalari yetkazib berilmoqda. Shuningdek, “Xitoy granti” asosida 37 va 38-umumta’lim maktablariga kompyuterlar taqdim etiladi. Uchrashuv yakunlari Hokim Abdinabi G‘iyosov ta’lim sifatini yanada oshirish, yangi o‘quv yilini yuqori saviyada tashkil etish va o‘quvchilarning bilim darajasini yuksaltirish bo‘yicha tegishli topshiriqlar berdi. U ta’lim sohasi tumandagi islohotlarning asosiy yo‘nalishlaridan biri ekanini ta’kidladi.