Qoraqalpog'iston Respublikasi Xo'jayli tumani hokimligi

Hurmatli Prezidentimizning 30.12.2024-yildagi "Qishloq xo‘jaligi maydonlaridagi qo‘shimcha imkoniyatlardan foydalangan holda mahsulot yetishtirishni ko‘paytirishga doir chora-tadbirlar to‘g‘risida"gi PQ-465-sonli qarorining ijrosini ta’minlash maqsadida Xo‘jayli tumani "Shukrullayeva To‘lg‘anoy" fermer xo‘jaligida ko‘rgazmali seminar o‘tkazildi. Unda Qoraqalpog‘iston Respublikasi fermerlar kengashi raisi o‘rinbosari A.Ajimov, tuman fermerlar kengashi raisi U.Nazarxanov, qishloq xo‘jaligi sohasi mutaxassislari va fermer xo‘jaliklari rahbarlari ishtirok etdi. Tadbir davomida tumandagi yer resurslaridan oqilona va samarali foydalanish, dala chetidagi bo‘sh maydonlarni o‘zlashtirish, kollektor-drenaj tarmoqlari atrofidan unumli foydalanish va eksportbop mahsulotlar yetishtirish masalalari haqida so‘z yuritildi. Shuningdek, tomorqalardan samarali foydalanish, aholini oziq-ovqat mahsulotlari bilan barqaror ta’minlash, qo‘shimcha mahsulot olish va daromadni oshirish bo‘yicha amaliy tavsiyalar berildi.