Andijon viloyati Xo'jaobod tumani hokimligi

Вазирлар Маҳкамаси ҳузуридаги Бизнес ва тадбиркорлик олий мактаби Андижон вилояти ҳудудий филиали ҳамда Андижон вилояти Оила ва хотин-қизлар бошқармасининг Хўжаобод туман бўлими ҳамкорлигида тадбиркор аёллар, тадбиркорлик фаолиятини бошлаш истагида бўлган фуқаролар, ижтимоий реестр ва Аёллар дафтарига киритилган хотин-қизлар иштирокида ўқув-семинар ташкил этилди.

Семинарда ҳамкор ташкилотлар вакиллари, жумладан, Инновацион ривожланиш агентлигининг Андижон бўлинмаси, Электрон онлайн аукционларни ташкил этиш АЖнинг Андижон ҳудудий вакили бўлими раҳбар ва ходимлари иштирок этдилар.

Тадбир давомида иштирокчиларга тадбиркорлик фаолиятини йўлга қўйиш, бизнес лойиҳаларни шакллантириш, электрон аукционларда иштирок этиш тартиби ҳамда бизнесни ривожлантиришнинг амалий жиҳатлари юзасидан батафсил маълумотлар берилди.

Семинар савол-жавоблар ва ўзаро фикр алмашиш руҳида ўтказилди. Иштирокчилар ўзларини қизиқтирган масалалар юзасидан мутахассислар ва ҳамкор ташкилотлар вакилларидан тегишли тавсиялар ҳамда маслаҳатлар олдилар.

Мазкур тадбирнинг асосий мақсади хотин-қизлар ва ёшларни тадбиркорлик фаолиятига кенг жалб этиш, уларнинг бандлигини таъминлаш, янги иш ўринларини яратишга кўмаклашиш ҳамда иқтисодий фаоллигини янада оширишдан иборат бўлди.