Andijon viloyati Xo'jaobod tumani hokimligi

Xo‘jaobod tumani hokimligida bugun PF-33-son Farmoni doirasida muhim targ‘ibot uchrashuvi tashkil etildi. Unda targ‘ibot guruhi a’zolari, mahalla faollari hamda maktablarning ma’naviy-ma’rifiy ishlar bo‘yicha direktor o‘rinbosarlari ishtirok etdilar. Mazkur uchrashuv davomida aholining ijtimoiy faolligini oshirish, bandlikni ta’minlash, kambag‘allikni qisqartirish hamda jamiyatda ma’naviy muhitni yanada mustahkamlash masalalari yuzasidan atroflicha suhbat olib borildi. Ishtirokchilarga farmon mazmun-mohiyati, uning amaliy ahamiyati va joylarda samarali ijrosini ta’minlash bo‘yicha zarur tushunchalar berildi. Uchrashuvni Kambag‘allikni qisqartirish va bandlik vazirligi o‘rinbosari Turdiyeva Ra’no hamda Andijon viloyati hokimi o‘rinbosari, oila va xotin-qizlar boshqarmasi boshlig‘i Yunusova Nigora olib bordilar. Ular o‘z nutqlarida hududlarda olib borilayotgan islohotlar, aholining muammolarini tizimli hal etish, xotin-qizlar va yoshlarni qo‘llab-quvvatlash borasidagi ustuvor vazifalarga alohida to‘xtalib o‘tdilar.