Andijon viloyati Xo'jaobod tumani hokimligi

Xo‘jaobod tumani hokimi Jamshidbek Bozorboyev Yoshlar kuni munosabati bilan ixtisoslashtirilgan maktab hamda “Samo” tekstil korxonasida yoshlar bilan uchrashuvi bo‘lib o‘tkazdi. Uchrashuv davomida yoshlar bilan ochiq muloqot tashkil etilib, ularning ta’lim, bandlik, kasb-hunar o‘rganish, biznes tadbirkorlikni boshlash uchun kreditlar va ijtimoiy masalalarga oid taklif hamda muammolari tinglandi. Bildirilgan murojaatlar asosida mas’ul tashkilotlarga aniq vazifalar yuklatilib, ayrim masalalar joyida ijobiy hal etildi. Mazkur uchrashuvlar yoshlarni qo‘llab-quvvatlash, ularning salohiyatini ro‘yobga chiqarish hamda dolzarb muammolarini bartaraf etish yo‘lida muhim ro‘l o‘ynamoqda.