Andijon viloyati Xo'jaobod tumani hokimligi

Xo‘jaobod tumani hokimi Jamshidbek Bozorboyev «Yoshlar kuni» munosabati bilan tumandagi bir qancha o‘quv muassasalari va ishlab chiqarish korxonalarida yoshlar bilan uchrashuvlar amalga oshirdi. Uchrashuvlar 9-umumtalim maktabi, Abu ali Ibn sino nomidagi Jamoat salomatligi texnikumi, “Samo” ishlab chiqarish korxonasi hamda "China International Camce" korxonalarida bo‘lib o‘tdi. Muloqot davomida yoshlarning tilak-istaklari, taklif va murojaatlari tinglanib, mavjud muammolarni joyida hal etish choralari ko‘rildi.Bundan tashqari uchrashuvlar davomida “Dual Ta’lim” tizimining afzalliklari, amaliyot jarayonlari hamda yoshlarning kelgusidagi bandligini ta’minlash masalalari yuzasidan muloqot qilindi. Ushbu uchrashuvlar davomida 20 nafardan ziyod talaba yoshlar ishga joylashtirildi. Uchrashuv yakunida yoshlarning fikr-mulohazalari tinglanib, ularni qo‘llab-quvvatlash va amaliy yordam ko‘rsatish masalalari alohida nazoratga olindi.