Xorazm viloyati Xiva tumani hokimligi

Assalomu alaykum aziz hamyurtlar, tumanimiz fuqarolari va mexmonlari!

2026 yil 3 oyi maboynida Xiva tumani hududida jinoyat va huquqbuzarliklarning barvaqt oldini olish, jamoat tartibi hamda fuqarolar havfsizligini ta’minlash borasida bir qator ishlar amalga oshirildi.
Joriy yilning 3 oyi davomida jami 74 (31) ta jinoyatlar qayd etildi.
Shularning:
12 tasi oldi olinishi lozim bo‘lgan; 
17 tasi aniqlanadigan jinoyatlar;
45 tasi kiber jinoyatlarni tashkil etadi.
2026 yil 3 oyida qayd qilingan jinoyatlar tumanning har 100.000 aholiga nisbati 46,0 tadan to‘g‘ri keldi.
Jinoyat turlaridan qotillik, og‘ir tan jaroxati, o‘rtacha og‘ir tan jaroxati, bosqinchilik, talonchilik, o‘g‘irlik, оилавий зўравонлик, avto transport olib qochish,  jinoyati sodir qilinishiga yo‘l qo‘yilmadi, o‘lim bilan bog‘liq bo‘lmagan yo‘l transport xodisalari jinoyati teng xolatda saqlandi.
Tashabbus bilan, 4 ta giyohvandlik, 1 та товламачилик, 4 ta noqonuniy ov quroli saqlash, 1 ta qimorxona tashkil qilish, 2 ta poraxo‘rlik, 1 ta chegara qoidalarni buzush, 2 ta valyuta va 2 ta boshqa turdagi  jinoyatlar aniqlandi, qidiruvda bo‘lgan 4 nafar shaxslar ushlanib jazo muqarrarligi ta’minlandi.
 Qilinayotgan ijobiy ishlar bilan bir qatorda jinoyat va huquqbuzarliklarning oldini olish bilan bog‘liq ayrim kamchiliklarga ham to‘xtalsam. Xususan tumanimizda oldi olinishi mumkin bo‘lgan jinoyat turlaridan yengil tan jaroxati yetkazish, номусга тегиш, firibgarlik jinoyatlari ko‘payishiga yo‘l qo‘yildi.
Aziz hamyurtlar!
Hozirgi zamonda tobora ommalashib borayotgan kiber makonda o‘g‘irlik hamda firibgarlik bilan bog‘liq jinoyatlar kun va vaqt sayin oshib bormoqda.
Ushbu turdagi jinoyatlar deyarli har bir fuqaromizning bevosita shaxsiy havfsizligi bilan bog‘liq bo‘lib, fuqarolarimiz tomonidan foydalanib kelayotgan bank plastik kartalaridan pul moddiy qiymatliklarining masofaviy o‘zlashtirishning biron bir imkoniyati mavjud emasligi ayni haqiqat bo‘lib, biroq kiber makondagi ommaga noma’lum bo‘lgan hakkerlar tomonidan turli aldov va chalg‘ish yo‘llari orqali sizning bank kartangizdan foydalanish imkoniyatini qo‘lga kiritib, pullaringizni masofaviy o‘zlashtirish imkoniyatiga ega bo‘lishi mumkin. Shu o‘rinda biz ichki ishlar xodimlari mazkur hakkerlar tomonidan ushbu aldov va chalg‘itish yo‘llarini oldindan aniqlab, ularni sizning ixtiyoringizga imkon qadar tezlikda yetkazishga harakat qilamiz. Buning uchun sizdan, o‘zingiz yashab kelayotgan mahallaning telegram ijtimoiy tarmog‘ida ochilgan guruhlarga doimiy a’zo bo‘lib, ushbu guruhlarga mas’ul xodimlar tomonidan kunlik joylab boriladigan ogohlikka chaqiruvchi videoroliklarni kuzatib, ularga doimiy ravishda amal qilishlaringizni iltimos qilgan bo‘lar edik.
Qadirli tumanimiz fuqarolari, shu bilan bir qatorda, yo‘l transport hodisalari, o‘g‘irlik, firibgarlik va boshqa turdagi jinoyatlarning qurboni bo‘lib qolmasliklaringiz uchun o‘zingiz va atrofingizda sodir bo‘layotgan har bir shubhali holatlarga befarq bo‘lmasligingizni so‘rab qolaman.
Barchangizni oilangizga tinchlik-hotirjamlik tilab, yurtimiz osoyishtaligi yo‘lida yelkama-yelka xizmat qilishga chorlab qolamiz.

Akmal Matchanov
Xiva tuman IIB boshlig‘i
2026 yil 30 mar