O‘zbekiston Respublikasi Oila va xotin-qizlar qo‘mitasi

25-iyul kuni davlat OTMlarining bakalavriatiga kirish uchun test imtihonlari yakunlandi.

26-iyul kuni oxirgi kun o‘tkazilgan test natijalari e’lon qilindi va barcha abituriyentlarning natijalari ma’lum bo‘ldi.

Abituriyentlar 5 tagacha yo‘nalish va oliy ta’lim muassasalarini (OTM) tanlashlari mumkin. Bu yo‘nalishlar xohishga qarab har xil yoki bitta OTM doirasida tanlansa ham bo‘laveradi.

Faqat mutaxassislik fanlari va ularning ketma-ketligi bir xil bo‘lishi kerak. Deylik, imtihon topshiriladigan birinchi fan matematika, ikkinchi fan fizika bo‘lsa, qolgan yo‘nalishlarda ham mutaxassislik fanlari xuddi shunday ketma-ketlikda bo‘lishi talab etiladi.

Shuningdek, nafaqat turli OTMning turli yo‘nalishlariga, balki turli ta’lim shakllariga ham hujjat topshirish mumkin. Masalan, birinchi yo‘nalish/oliygohga kunduzgi, keyingisiga sirtqi, boshqasiga esa kechki ta’lim uchun ro‘yxatdan o‘tiladi.