Oʻzbekiston - Ozarbayjon "Made in Uzbekistan" milliy mahsulotlar koʻrgazmasi
2025-06-10 13:00:00 / Yangiliklar
2025-yil 10–12-iyun kunlari Boku shahrida Turkiy davlatlar oʻrtasidagi savdo va sarmoyaviy hamkorlik forumi doirasida "Made in Uzbekistan" milliy mahsulotlar koʻrgazmasi boʻlib oʻtmoqda.
“Made in Uzbekistan” stendida farmatsevtika sohasiga ixtisoslashgan “Vida Verde Pharm”, “Uzgermed pharm”, “Samo”, “Dentafill plyus”, “Nobel Pharmsanoat” korxonalari oʻz mahsulotlari va ishlanmalarini taqdim etmoqda. Ular tomonidan taqdim etilgan yuqori sifatli dori vositalari va zamonaviy ishlanmalar koʻrgazma ishtirokchilari va xalqaro hamkorlar eʼtiborini tortmoqda.
Taʼkidlash joizki, ushbu nufuzli tadbir doirasida Ozarbayjon Respublikasi Prezidenti Ilhom Aliyevning tashrifi kutilmoqda.
Mazkur tashrif turkiy davlatlar oʻrtasidagi iqtisodiy hamkorlik va oʻzaro aloqalarni yanada mustahkamlashga xizmat qilishi shubhasiz.