O‘zbekiston Respublikasi Maktabgacha va maktab taʼlimi vazirligi

Bugun Oliy Majlis Qonunchilik palatasining Fan, taʼlim, madaniyat, sport va yoshlar masalalari qoʻmitasi tomonidan “Bilim va malakani kelgusi taraqqiyotning asosiy kapitaliga aylantirish: Birinchi milliy dasturni istiqbolda amalga oshirishning ustuvor yoʻnalishlari” mavzusida davra suhbati boʻlib oʻtdi.

➖ Unda Maktabgacha va maktab taʼlimi vazirining birinchi oʻrinbosari Sherzod Karimov va vazirlik mas’ul xodimlari, Oliy Majlis Qonunchilik palatasi deputatlari, ekspert olimlar, fuqarolik jamiyati institutlari vakillaridan iborat jamoatchilik kengashi aʼzolari hamda boshqa tegishli tashkilotlar vakillari ishtirok etdi.

 Davlatimiz rahbari joriy yilning 28-avgust kuni Oʻzbekiston Respublikasi davlat mustaqilligining 35 yilligiga bagʻishlangan tantanali marosimdagi nutqida mamlakatimizning yaqin va uzoq istiqboldagi taraqqiyotini taʼminlashga qaratilgan 7 ta milliy dasturni ilgari surdi.

🔹 Mazkur dasturlar yurtimizni yangi taraqqiyot bosqichiga olib chiqish, inson qadrini yuksaltirish, iqtisodiy va ijtimoiy salohiyatni yanada mustahkamlashga qaratilgan muhim vazifalarni qamrab oladi.

➖ Ularning dastlabki va strategik yoʻnalishlaridan biri — bilim va malakani kelgusi taraqqiyotning asosiy kapitaliga aylantirishdir. Zero, zamonaviy dunyoda raqobat nafaqat tabiiy boyliklar yoki moliyaviy resurslar, balki bilimli, malakali, yangilikka intiluvchan va yuksak salohiyatli insonlar uchun ham kechmoqda.

🔹 Shu nuqtayi nazardan, taʼlim tizimini yangi sifat bosqichiga olib chiqish, har bir bolaga munosib taʼlim olish imkoniyatini yaratish, oʻqituvchi va pedagoglarning maqomi hamda kasbiy salohiyatini yuksaltirish — mamlakatning kelgusi taraqqiyotini belgilab beruvchi eng muhim omillardan biridir.

👉 Muloqot davomida aynan shu maqsadlarga erishish, bilim va malakani jamiyat hamda davlat taraqqiyotining ustuvor kapitaliga aylantirish borasidagi vazifalar, ularni amalga oshirish mexanizmlari va taʼlim sohasidagi istiqbolli rejalar atroflicha muhokama qilindi.

🔹 Xususan, taʼlimning barcha bosqichlari oʻrtasida huquqiy uzviylikni taʼminlash, amaldagi normalarni birxillashtirish va sohadagi huquqiy boʻshliqlarni bartaraf etish maqsadida deputatlar tomonidan Taʼlim kodeksini ishlab chiqish masalasi ilgari surildi.

👉 Shuningdek, pedagoglarning huquqiy maqomi va ijtimoiy himoyasini mustahkamlash, iqtidorli yoshlar hamda inklyuziv taʼlim uchun zarur sharoitlarni kengaytirish boʻyicha takliflar bildirib o‘tildi.