Loyiha qiymati: 97.7 mln. dollar.

Amalga oshirish muddati: 2025-2030 yy (5 yil). Qurilishni yakunlash.

Maktablar soni va quvvati: 13 860 oʻquv oʻrniga ega 13 ta maktab

- 6 ta 1 320 oʻrinli; 4 ta 990  oʻrinli; 3 ta 660 oʻrinli yangi umumtaʼlim maktablari qurish va ularni jihozlanadi.

Loyiha doirasida Toshkent shahri va Toshkent viloyatining qamrov koeffitsiyenti yuqori boʻlgan tumanlarida yangi maktablar barpo etilishi nazarda tutilgan.

Ijro holati:

1. Toshkent viloyati va Toshkent shahar hokimliklari tomonidan tegishli qarorlarga asosan 13 ta yer uchastkasi ajratilgan.

Izoh: Oʻzbekiston Respublikasi Prezidentining 2025-yil 5-maydagi F-33-son Farmoyishi qabul qilindi hamda Toshkent viloyatidagi oxirgi 4 ta maktab uchun ajratilgan yer maydonlari toifasi oʻzgartirildi hamda Maktabgacha va maktab taʼlimi vazirligi balansiga oʻtkazildi.

2. Maktabgacha va maktab taʼlimi vazirligi tomonidan mazkur yer maydonlarini doimiy foydalanish huquqi asosida kadastr pasporti va davlat roʻyxatidan oʻtkazish ishlari yakunlandi.

3. Loyiha boʻyicha 2023-yil 24-avgustda eʼlon qilingan tendkrning birinchi bosqich yakuniga koʻra 7 ta kompaniya malakalashdan oʻtkazilib tenderning ikkinchi bosqichiga oʻtkazildi.

4. Osiyo taraqqiyoti banki hamkorligida 2024 yilning sentyabr oyida Iqtisodiyot va moliya vazirligi hamda Maktabgacha va maktab taʼlimi vazirligining rasmiy veb-sayti va Osiyo taraqqiyoti bankining vertual xonasiga loyiha talablari toʻgʻrisida tenderning ikkinchi bosqichi eʼlonga berilgan edi, lekin mahalliy hokimliklar tomonidan yer maydonini ajratib berilishida koʻplab muammolar yuzaga kelgani sababli tenderning ikkinchi bosqich yakuni joriy yil 30-noyabr kuniga qadar uzaytirilib, dastlabki malakalashdan oʻtgan 7 ta kompaniyadan takliflar qabul qilib olinib, takliflarni baholash ishlari amalga oshiriladi.

5. Bugungi kunda, tenderning ikkinchi bosqich yakuniga koʻra 3 ta kompaniyalar oʻz takliflarini taqdim etishdi. Osiyo taraqqiyoti bankining yuridik va moliyaviy  maslahatchilari tomonidan koʻrib chiqilib, baholash ishlari olib borilmoqda. Baholash ishlari yakunida tender komissiyasiga taqdim etilgandan soʻng tender komissiyasi tender gʻolibini eʼlon qilib, Maktabgacha va maktab taʼlimi vazirligi oʻrtasida davlat-xususiy sheriklik toʻgʻrisidagi bitim imzolanadi.