Ulug‘nor tumanida 8-mart bayramiga bag‘ishlangan madaniy tadbir bo‘lib o‘tdi
2026-03-07 18:00:00 / Yangiliklar
Ulug‘nor tumanidagi “O’zbegim” tantanalar saroyida 8-mart – Xalqaro xotin-qizlar kuni munosabati bilan bayramona iftorlik tashkil etildi.
Tadbirda Ulug‘nor tumani hokimi M. Axmadjonov xotin-qizlarni samimiy tabriklab, ularga esdalik sovg‘alarini topshirdi. Bayramning iliq va ko‘tarinki kayfiyatida o‘tgan dasturxon davomida ayollarning jamiyatdagi o‘rni, mehnati va fidoyiligi alohida e’tirof etildi.
Shuningdek, san’atkorlarning kuy-qo‘shiqlari va musiqiy chiqishlari tadbirga o‘ziga xos kayfiyat bag‘ishlab, ishtirokchilarni quvontirdi.
