O‘zbekiston Respublikasi Prezidentining 2026 yil 14 avgustdagi “«Odil sudlov — 2030»: Yangi O‘zbekistonda inson huquqlarini ishonchli himoya qiluvchi xalqchil va adolatli sud tizimini barpo etish strategiyasi to‘g‘risida”gi PF-160-sonli Farmoni qabul qilindi.
Mazkur Farmon bilan «Odil sudlov — 2030»: Yangi O‘zbekistonda inson huquqlarini ishonchli himoya qiluvchi xalqchil va adolatli sud tizimini barpo etish strategiyasi hamda  «Odil sudlov — 2030»: Yangi O‘zbekistonda inson huquqlarini ishonchli himoya qiluvchi xalqchil va adolatli sud tizimini barpo etish strategiyasini 2026 — 2028 yillarda amalga oshirish bo‘yicha harakatlar dasturi tasdiqlandi.
Farmonning 3-bandiga ko‘ra, sud qarorlarini qayta ko‘rib chiqishning xolisligi va samaradorligini yanada oshirish maqsadida 2027 yil 1 iyuldan boshlab hududlararo sudlar tashkil etiladi. Hududlararo sudlar umumyurisdiksiya sud yo‘nalishlarida respublikamizning 5 ta hududida tashkil etiladi. Jumladan Qoraqalpog‘iston Respublikasi, Qashqadaryo, Samarqand, Toshkent va Farg‘ona xududlararo sudlar tashkil etiladi. Mazkur tashkil etiladigan xududlararo sudlar viloyat va unga tenglashtirilgan sudlar tomonidan apellyasiya yoki kassatsiya tartibida ko‘rilgan ishlarni taftish tartibida, mazkur sudlar tomonidan birinchi instansiyada ko‘rilgan ishlarni apellyasiya yoki kassatsiya tartibida qayta ko‘rib chiqish vakolatiga ega bo‘ladi.  
Farmonning 6-bandiga ko‘ra, oliy sudning fuqarolarning odil sudlovga erishish darajasini yanada oshirish, ayniqsa, chekka hududlarda istiqomat qilayotgan aholiga sud himoyasidan foydalanish imkoniyatini kengaytirish maqsadida 2027 — 2030 yillarda barcha hududlarda fuqarolik ishlari bo‘yicha tuman, shahar sudlarini sud tizimining mavjud shtat birliklari doirasida tashkil etish belgilandi.
Bunda aholi soni, sudga kelib tushayotgan ishlar hajmi va dinamikasi, sudyalarning ish yuklamasi, hududiy xususiyatlar hamda odil sudlovdan foydalanish imkoniyatlari inobatga olinadi.
Shuningdek, Farmonning 17-bandiga ko‘ra, iqtisodiy nizolarni tezkor va adolatli hal etish, tadbirkorlik sub’yektlari va investorlarning vaqti hamda xarajatlarini tejash maqsadida 2028 yil 1 yanvardan boshlab sudyaga ishlarni ko‘rish jarayonida juz’iy (formal) kamchiliklar aniqlangan taqdirda, ularni bartaraf etish choralarini ko‘rish majburiyatini yuklashni nazarda tutuvchi «iqtisodiy ishlarni proaktiv boshqarish» (Proactive Case Management) standarti joriy etiladi.
Bundan tashqari, Oliy sudning «yagona darcha» tamoyili asosida da’vo arizasini (arizani) qaytarish institutini isloh qilish orqali sudga murojaat qilish soddalashtirish tiriladi. Jumladan, fuqarolik, iqtisodiy va ma’muriy sud ishlarini yuritishda arizani qaytarishning «ish mazkur sudning sudloviga tegishli bo‘lmasligi» asosini bekor qilish va arizani shu sudning o‘zi tomonidan tegishliligi bo‘yicha boshqa sudga o‘tkazish belgilanadi hamda juz’iy (formal) talablarga rioya etmasdan berilgan da’vo arizasini (arizani) qabul qilgan holda kamchiliklarni sudning faol ko‘magi yordamida bartaraf etish tartibi joriy etiladi.
Farmonning 14-bandiga ko‘ra, oliy sudning sudlarga murojaat qilgan fuqarolar va tadbirkorlik sub’yektlariga zamonaviy standartlar asosida qulayliklar yaratish, sudlar faoliyatida byurokratiyani kamaytirish va ochiqlikni ta’minlash maqsadida sud binolarining kirish qismida
2030 yilga qadar bosqichma-bosqich «yagona darcha» tamoyili asosida xizmat ko‘rsatish ofislari faoliyatini yo‘lga qo‘yiladi. Mazkur ofislar orqali aholiga zarur axborotlarni bir joyning o‘zida taqdim etish, prosessual murojaatlar yuzasidan tashkiliy yordam ko‘rsatish, murojaatlarni tezkor qabul qilish va raqamli sud xizmatlaridan foydalanishda amaliy ko‘maklashish choralari ko‘riladi.
Kelgusida joriy etiladigan ushbu tartiblar Yangi O‘zbekistonda inson qadrini ulug‘lashga, fuqarolar hamda tadbirkorlik sub’yektlarining ovoragarchiligini oldini olishga, vaqtlari hamda pul mablag‘larini tejashga, ularning huquqlari, erkinliklari va qonuniy manfaatlarini sud orqal
[15.09.2026 18:54] Bexato: i himoya qilishni sifat jihatidan yangi bosqichga ko‘tarishga xizmat qiladi.

 
 
Navoiy viloyat sudi sudyasi
U.Homidov
 Navoiy viloyat sudi sudyasi
S.Jakeyev
 Navoiy tumanlararo
 iqtisodiy sudi raisi
 Sh.Gʻofurov
 Navoiy tumanlararo
iqtisodiy sudi sudyasi
 B.Djumayev
 Navoiy tumanlararo
 iqtisodiy sudi sudyasi
 F.Bahronov