O‘zbekiston Respublikasi Prezidentining Gruziyaga amalga oshirgan rasmiy tashrifi ikki davlat o‘rtasidagi strategik sheriklik munosabatlarini yanada mustahkamlash, savdo-iqtisodiy hamkorlikni kengaytirish va mintaqaviy aloqalarni rivojlantirishga xizmat qiluvchi muhim siyosiy voqea hisoblanadi.
          So‘nggi yillarda O‘zbekiston tashqi siyosatining ustuvor yo‘nalishlaridan biri dunyo davlatlari bilan o‘zaro manfaatli va ishonchli hamkorlikni rivojlantirishdan iborat bo‘lib kelmoqda. Bu borada Janubiy Kavkaz mintaqasida muhim o‘rin tutadigan Gruziya bilan munosabatlarni yangi bosqichga olib chiqish alohida ahamiyat kasb etadi.
          Safardan ko‘zlangan asosiy maqsadlardan biri – ikki mamlakat o‘rtasidagi siyosiy muloqotni mustahkamlash va oliy darajadagi uchrashuvlar orqali hamkorlikning yangi istiqbollarini belgilashdan iborat bo‘ldi. Davlat rahbarlarining muzokaralari o‘zaro ishonchni yanada oshirish, xalqaro va mintaqaviy masalalar yuzasidan yondashuvlarni muvofiqlashtirishga xizmat qiladi.
        Iqtisodiy hamkorlikni kengaytirish tashrifning muhim yo‘nalishlaridan biri bo‘ldi. Xususan, o‘zaro savdo hajmini oshirish, investisiya loyihalarini amalga oshirish, sanoat kooperatsiyasini rivojlantirish, qishloq xo‘jaligi, energetika, turizm, axborot texnologiyalari va logistika sohalarida qo‘shma dasturlarni yo‘lga qo‘yish masalalari muhokama qilindi.
         Gruziyaning Qora dengiz sohilidagi portlari O‘zbekiston uchun Yevropa bozorlariga chiqishda muhim transport yo‘laklaridan biri hisoblanadi. Shu bois transport-kommunikatsiya sohasidagi hamkorlikni chuqurlashtirish, xalqaro tranzit yo‘laklaridan samarali foydalanish va yuk tashish hajmini ko‘paytirish tashrifning ustuvor vazifalaridan biri bo‘ldi.
         Madaniy-gumanitar aloqalarni rivojlantirish ham tashrif dasturining muhim qismi hisoblanadi. Ta’lim, ilm-fan, madaniyat, turizm va yoshlar siyosati sohalaridagi hamkorlik xalqlar o‘rtasidagi do‘stlik va o‘zaro anglashuvni yanada mustahkamlashga xizmat qiladi.
         Shuningdek, safar davomida ishbilarmon doiralar o‘rtasidagi muloqotlarni faollashtirish, xususiy sektor vakillari ishtirokida yangi investisiya tashabbuslarini qo‘llab-quvvatlashga alohida e’tibor qaratildi. Bu esa yangi ish o‘rinlari yaratish, eksport salohiyatini oshirish va iqtisodiy o‘sishga ijobiy ta’sir ko‘rsatadi.
          Xulosa qilib aytganda, O‘zbekiston Respublikasi Prezidentining Gruziyaga tashrifi ikki mamlakat o‘rtasidagi munosabatlarni sifat jihatidan yangi bosqichga olib chiqish, savdo-iqtisodiy, transport-logistika va madaniy-gumanitar sohalarda amaliy hamkorlikni kengaytirishga qaratilgan muhim siyosiy qadam bo‘ldi. Bu tashrif natijalari nafaqat O‘zbekiston va Gruziya, balki butun mintaqada barqarorlik, iqtisodiy taraqqiyot va o‘zaro manfaatli hamkorlikni mustahkamlashga munosib hissa qo‘shishi kutilmoqda.
      

Xalq deputatlari tuman Kengashi
kotibiyat mudiri  M.Kamolova