Bugungi kunda jamiyatni barcha sohalarida islohotlar izchil rivojlanib, barqaror bo‘lib bormoqda, buni yaqqol natijasini mahallalarda ham ko‘rish mumkin, shu bois barcha islohotlar mahallalarda yashayotgan fuqarolarda ham ko‘rinib turganligi va o‘zgarib borayotganligi muhim ahamiyat kasb etmoqda.
«O‘zbekiston — 2030» strategiyasi hamda O‘zbekiston Respublikasi Prezidentining O‘zbekiston xalqi va Oliy Majlisga Murojaatnomasida belgilangan islohotlar ijrosini samarali tashkil etish maqsadida O‘zbekiston Respublikasi Prezidentining 16.02.2026 yilda «Mahallani rivojlantirish va jamiyatni yuksaltirish» Yilida ustuvor yo‘nalishlar bo‘yicha islohotlar dasturlari va «O‘zbekiston — 2030» strategiyasini amalga oshirish bo‘yicha davlat dasturi to‘g‘risidagi PF-22-son Farmoni qabul qilindi.
Mazkur Farmon barcha sohalarni rivojlantirish va yuksaltirishga qaratilganligi bilan ajralib turishligini, xususan unda boshqa sohalar kabi davlat boshqaruvi va sud-huquq tizimini takomillashtirish bo‘yicha ustuvor islohotlar ham belgilab qo‘yilgan bo‘lib, uning asosiy yo‘nalishlari etib quyidagilar belgilangan:
(a) Oliy Majlis palatalarining tashqi qarzni boshqarish sohasidagi vakolatlarini kengaytirish;
(b) deputatlarning ekologik muammolar oqibatlarini yumshatish doirasida aholi uchun mahallalarda yashil bog‘lar, yashil jamoat parklarini tashkil etishdagi vakolatlarini kengaytirish;
(v) jamiyatni yuksaltirishda va mavjud dolzarb muammolarni hal etishda davlat va fuqarolik jamiyati institutlarining birlashgan holda hamnafas bo‘lib faoliyat yuritishini ta’minlash;
(g) o‘ta og‘ir jinoyatlarga doir ishlarni sudda jamoatchilik vakillaridan iborat xalq vakillari hay’ati ishtirokida ko‘rib chiqish amaliyotini joriy etish;
(d) jinoyat prosessida majburlov choralari qo‘llanishi ustidan sud nazoratini kuchaytirib, tergov sudyalari vakolatlarini kengaytirish;
(j) korrupsiya, giyohvandlik, ayollar va bolalarga nisbatan zo‘ravonlik kabi jamiyat oldida turgan dolzarb muammolarga qarshi kurashish bo‘yicha samarali tizimni yo‘lga qo‘yish.
Shu bilan birga, Davlat boshqaruvi va sud-huquq tizimini takomillashtirish, jamiyatda birdamlikni ta’minlash orqali uni yuksaltirish bo‘yicha ustuvor islohotlar dasturi tasdiqlangan.
Mazkur islohotlarni amalga oshirilishi fuqarolarning yanada farovon hayot kechirishiga, ularni huquq va qonuniy manfaatlarini ishonchli himoya qilishni yanada mustahkamlashga hamda davlatimizning barqaror gullab-yashnashiga olib keladi.

Navoiy viloyat sudi 
sudyasi  A.Shukurov

FIB Zarafshon 
tumanlararo sudi raisi  Sh.Ochilov