Kichik sanoat zonasidagi korxonalar faoliyati o‘rganildi
2025-12-13 00:00:00 / Yangiliklar
Bugun Tuproqqalʼa tumani hokimi Akmal Jimalyazov tuman markazida joylashgan kichik sanoat zonasida faoliyat yuritayotgan tadbirkorlik subyektlarining ish jarayonlari bilan tanishdi.
Tashrif davomida korxonalarning ishlab chiqarish quvvatlari, ishchi-xodimlar uchun yaratilgan mehnat sharoitlari, mavjud muammo va takliflar har tomonlama o‘rganildi.
Sanoat korxonalari tomonidan yangi texnologiyalarni joriy etish, mahsulot turlarini kengaytirish va yangi ish o‘rinlarini yaratish bo‘yicha amalga oshirilayotgan ishlar tuman sanoatining barqaror rivojlanayotganidan dalolat beradi.
Mazkur o‘rganishlar korxonalar faoliyatini tizimli qo‘llab-quvvatlash, ishlab chiqarish samaradorligini yanada oshirish va tuman sanoatining raqobatbardoshligini mustahkamlashga qaratilgan.