“Yashirin” iqtisodiyotni qisqartirish masalalari muhokama etildi
2025-12-02 00:00:00 / Majlislar
Bugun Tuproqqal'a tumani hokimi Akmal Jimalyazov boshchiligida yashirin iqtisodiyotni qisqartirish va budjetga qo‘shimcha manbalarni jalb qilish bo‘yicha tasdiqlangan “Yo‘l xaritasi” ijrosi ahvoli yuzasidan tegishli tashkilotlar ishtirokida yig‘ilish o‘tkazildi.
Yig‘ilishda qishloq xo‘jaligi sohasida o‘tkazilgan tahlillar natijalari hamda amalga oshirilishi lozim bo‘lgan vazifalar bo‘yicha mas’ul tashkilotlarning hisobotlari tinglandi.
Shuningdek, rasmiy mehnat munosabatlarining afzalliklari, ish haqini “konvert” ko‘rinishida berishning salbiy oqibatlari hamda soliqlarni yashirish holatlari uchun belgilangan javobgarlik choralari haqida ma’lumot berildi.
Yig‘ilish yakunida soliq intizomini mustahkamlash, iqtisodiy faoliyatda shaffoflikni oshirish va “Yashirin iqtisodiyot” ulushini qisqartirish bo‘yicha tegishli topshiriqlar belgilandi.