Vodiy bo‘ylab o‘rganishlar davom etmoqda
2026-08-10 09:30:00 / Yangiliklar
Bugun Bosh vazir o‘rinbosari — Oila va xotin-qizlar qo‘mitasi raisi Dilnozaxon Kattaxonova Namangan va Andijon viloyatlarida bo‘ldi. O‘rganishlar jarayonida hududdagi mahalla yettiligi va xotin-qizlar faollari bilan amaliy uchrashuvlar o‘tkazildi. Unda asosiy e’tibor “Xotin-qizlar balansi”ni shakllantirish, ushbu ro‘yxatga kiritilgan ayollar hamda ularning oilalariga tizimli yordam ko‘rsatish, ularni og‘ir vaziyatdan olib chiqish masalalariga qaratildi.
Shu kunning o‘zida o‘rganish ishlari Andijon viloyatida davom etdi. Bu yerdagi muloqotlarda ham eng dolzarb vazifa sanalgan balans bilan ishlash jarayonlari atroflicha tahlil qilindi. Mahalladagi xotin-qizlar muammolarini ijobiy hal etishda faollarning rolini oshirish, ularning vakolatlarini kengaytirish hamda munosib imkoniyatlar yaratish bo‘yicha taklif-tashabbuslar muhokama qilindi.
Ishchi guruhning hududlar bo‘ylab o‘rganishlari davom etadi.
🔹Telegram 🔹Instagram 🔹Facebook 🔹 Linkedin