Kartoshkani ildiz orqali to‘g‘ri o‘g‘itlash usullari va samarali parvarish qilish
2026-03-30 11:30:00 / Press-relizlar
Kartoshkani ildiz orqali o‘g‘itlash usullari
Mutaxassislar vegetatsiya davrida kartoshkani quyidagi sxemada (tartibda) o‘g‘itlashni tavsiya etishadi: kartoshka ekilgandan keyin (1-2 hafta o‘tib) ko‘karib chiqish davrida. Agar yangi ko‘klab chiqayotgan kartoshka nihollarining o‘sishi sal sekinlashib, ko‘rinishi och-yashil tus olgan bo‘lsa, demak o‘g‘itlash zarurati juda yuqori ekanligini anglatadi; Odatda dehqonlar kartoshka parvarishi jarayonini qulaylashtirish uchun o‘g‘itlashni chopiq va agatni g‘umbaklash (kartoshka ostiga tuproq to‘plash) ishlari bilan birga amalga oshirishni ma’qul ko‘rishadi. O‘g‘itlar chopiq, kultivatsiya va tuproqni g‘umbaklashdan oldin kiritiladi. Ildizdan oziqlantirishning asosiy xususiyati, tuproqning chuqurroq qismiga o‘g‘itni kiritish bilan ifodalanadi. Kartoshkani oziqlantirishda tuproqning yuzaki qismiga o‘g‘itni kiritish to‘g‘ri kelmaydi. Oziqlantirishni to‘g‘ri amalga oshirish uchun katta agroxo‘jaliklarda maxsus texnika ishlatiladi – oziqlantiruvchi kultivatorlar yoki tuproq to‘plovchi (okuchka qiladigan) kultivatorlar.Kichik maydonlardagi kartoshkani o‘g‘itlashda dehqonlar “qoziq ostiga” usulini qo‘llashadi. Buning uchun ariqlarda (ya’ni qator oralarida) 20-30 sm chuqurlikda uchburchak shaklida qoziq qoqiladi. Ya’ni, bitta chuqurcha 3 ta tupni o‘rtasida joylashib, ularni oziqlantirishga xizmat qiladi. Bu narsa oziqa ildiz tizimini kuydirmasligi uchun qilinadi. Qoziq qoqishdan so‘ng hosil bo‘lgan chuqurchalarga o‘g‘it aralashmalari quyib chiqiladi va bug‘lanadigan o‘g‘itlar uchib (bug‘lanib) ketmasligi uchun chuqurchalarni usti tuproq bilan yopiladi.Ilk oziqlantirishning vaqti kelganligi odatda ko‘karib chiqqan nihollarning och-yashil tusi orqali ma’lum bo‘ladi. Bu narsa (nihollarning och-yashil tus olishi) palakning faol o‘sish davrida azot yetishmayotganligini bildiradi. 500 ml yangi mol go‘ngi va 15 g mochevina 10 l suvda aralashtirilib, har bir tup tagiga 0,5 l miqdori hisobidan quyib chiqiladi.Mol go‘ngi o‘rniga tovuq go‘ngini ham ishlatish mumkin. Mochevinani o‘rniga ammiakli selitra yoki sulfat ammoniyni ishlatish mumkin.Oxirigi oziqlantirish hosil yig‘ib olishdan kamida 20 kun oldin amalga oshirilishi lozim. Hosil bo‘lgan aralashma har bir tupga 0,5 l miqdorida quyib chiqiladi.
Namangan viloyati O‘simliklar karantin va ximoyasi boshkarmasi
Namangan tuman inespektori: I.Narzullayev