Is gazidan zaharlanish holatlarini oldini olishga qaratilgan o‘quv mashg‘uloti o‘tkazildi
2025-11-25 13:30:00 / Yangiliklar
Namangan viloyati Qo‘riqlash boshqarmasi hamda uning hududiy bo‘limlarida xizmat olib borayotgan xodimlar uchun "Favqulodda vaziyatlar profilaktikasi" oyligi doirasida navbatdagi o‘quv mashg‘uloti tashkil etildi
Ushbu mashg‘ulot Favqulodda vaziyatlar boshqarmasi mutaxassislari ishtirokida o‘tkazilib, is gazidan zaharlanish holatlarini oldini olish va uning profilaktikasiga bag‘ishlandi.
Tadbir davomida mutaxassislar is gazining xususiyatlari, uning inson salomatligiga havfli oqibatlari, zaharlanish alomatlari hamda bunday holatlarda birinchi tibbiy yordam ko‘rsatish tartibi haqida batafsil ma’lumot berdilar.
Shuningdek, is gazi kelib chiqishining oldini olish uchun mavsumiy xavfsizlik qoidalari — isitish moslamalaridan to‘g‘ri foydalanish, xonalarni muntazam shamollatib borish, texnik xizmat ko‘rsatish qoidalariga rioya qilish kabi muhim tavsiyalar qayd etildi.
Namangan tuman hokimligi
Axborot xizmati