1 iyun — Xalqaro bolalarni himoya qilish kuni
2026-06-01 08:00:00 / Yangiliklar
Hurmatli ota-onalar, muhtaram ustozlar va aziz bolajonlar!
Sizlarni 1 iyun — Xalqaro bolalarni himoya qilish kuni bilan chin qalbimdan samimiy muborakbod etaman.
Farzand — oilaning quvonchi, hayotimiz mazmuni va kelajagimiz tayanchidir. Bolalarning baxtli o‘sishi, munosib ta’lim va tarbiya olishi, o‘z iqtidorini namoyon etishi uchun avvalo ota-onalarning mehri, ustozlarning zahmati va jamiyatning e’tibori muhim ahamiyat kasb etadi.
Mamlakatimizda yosh avlodning huquq va manfaatlarini himoya qilish, ularning har tomonlama barkamol bo‘lib voyaga yetishi uchun keng imkoniyatlar yaratilmoqda. Bu borada amalga oshirilayotgan ishlar farzandlarimizning bilimli, vatanparvar va mustaqil fikrlaydigan insonlar bo‘lib ulg‘ayishlariga xizmat qilmoqda.
Qadrli ota-onalar!
Farzand tarbiyasi kabi sharafli va mas’uliyatli vazifani sidqidildan ado etayotganingiz uchun sizlarga chuqur minnatdorlik bildiraman. Bolalarimizning baxtli kelajagi, ularning orzu-intilishlari ro‘yobi yo‘lidagi mehnatlaringiz hamisha yuksak qadrlanadi.
Tomdi tumanida ham bolalarning har tomonlama sog‘lom va barkamol voyaga yetishi, sifatli ta’lim olishi, o‘z iqtidor va qobiliyatlarini ro‘yobga chiqarishi, sport va madaniyat bilan muntazam shug‘ullanishi uchun keng imkoniyatlar yaratilmoqda. Yosh avlodning bilimli, vatanparvar va zamonaviy fikrlaydigan insonlar bo‘lib kamol topishi doimiy e’tibor markazida bo‘lib kelmoqda.
Aziz bolajonlar!
Sizlarning beg‘ubor kulgularingiz, ezgu orzu-maqsadlaringiz va yutuqlaringiz barchamiz uchun katta quvonch manbaidir. Hamisha sog‘lom, baxtli va bilimga chanqoq bo‘lib ulg‘aying. Yurtimiz taraqqiyotiga munosib hissa qo‘shadigan yetuk insonlar bo‘lib kamol topishingizga tilakdoshman.
Ushbu qutlug‘ bayram munosabati bilan barcha ota-onalarga oilaviy baxt va xotirjamlik, ustozlarga muvaffaqiyatlar, aziz bolajonlarga esa mustahkam sog‘lik, baxtli bolalik va ulkan zafarlar tilayman.
1 iyun — Xalqaro bolalarni himoya qilish kuni muborak bo‘lsin!
HURMAT BILAN,
ORZUMUROD UMAROV
TOMDI TUMANI HOKIMI