Samarqand viloyati Toyloq tumani hokimligi

2025–2026-o‘quv yili yakuni munosabati bilan mamlakatimiz bo‘ylab “Yuksak ma’rifatli avlod — Uchinchi Renessans poydevori!” shiori ostida “So‘nggi qo‘ng‘iroq” tadbirlari keng nishonlanmoqda.

Unda tuman hokimi vazifasini vaqtincha bajaruvchi Adham Sharipov, tuman hokimi o‘rinbosari J.Radjabov, ota-onalar, faol jamoatchilik vakillari hamda birituvchilar qatnashdi. A. Sharipov O‘zbekiston Respublikasi Prezidenti Sh.Mirziyoyevning mamlakatimiz maktablarini bitiruvchi oʻgʻil-qizlariga yo‘llagan tabrigi'ni o‘qib eshittirdi.

Tadbir davomida maktabning so‘nggi yillardagi yutuqlari alohida e’tirof etildi. 2025–2026-o‘quv yilida fan olimpiadalarining viloyat bosqichida 11 nafar o‘quvchi muvaffaqiyatli ishtirok etdi. STEM fanlari olimpiadasida esa 3 nafar o‘quvchi respublika bosqichiga yo‘llanma oldi.

Maktab o‘quvchilari nafaqat ta’lim, balki ma’naviy-ma’rifiy yo‘nalishlarda ham faol ishtirok etib, turli tanlov va loyihalarda faxrli o‘rinlarni qo‘lga kiritdilar. Bugungi kunga qadar 5–10-sinf o‘quvchilari tomonidan 148 ta xalqaro va milliy sertifikatlar qo‘lga kiritilgan.

Joriy yilda maktabni 61 nafar bitiruvchi tamomlamoqda. Ulardan 5 nafari 189 ball to‘plab, muddatidan oldin talabalik baxtiga erishdi. Shuningdek, 10-sinf o‘quvchilari Dilnura Obloberdiyeva va Parvina Qaxorova ham muddatidan oldin talaba bo‘lishdi. Yaqinda o‘tkazilgan TASIMO xalqaro matematika olimpiadasida 9-sinf o‘quvchisi Zarrux Murodilloyev bronza medalini qo‘lga kiritdi.

Tadbirda ustozlar va ota-onalarga farzandlar tarbiyasi hamda yosh avlod kamoloti yo‘lidagi fidokorona mehnatlari uchun minnatdorlik bildirildi. Bitiruvchilarga esa kelgusi o‘qish va ishlarida ulkan muvaffaqiyatlar tilanib, oq yo‘l tilandi.