Samarqand viloyati Toyloq tumani hokimligi

Ana shunday mehnatkash oilalardan biri — bunyodkorlik Xo‘jamurodova Nasiba va uning turmush o‘rtog‘i Xayrullo Baxronovdir.
Ular o‘z tomorqasidagi atigi 5 sotix issiqxonada 130 tup limon ko‘chatini parvarish qilib, qisqa fursatda sezilarli natijaga erishdilar. Issiqxona sharoitida yetishtirilgan limonlar bugungi kunda o‘zining sifati va hosildorligi bilan ajralib turadi. Eng quvonarlisi, ular ilk hosildan 1 tonna limon yig‘ib olishga muvaffaq bo‘lishdi.
Yetishtirilgan mahsulot bozorga 30–35 ming so‘m narxda chiqarildi. Bu esa kichik maydonda ham to‘g‘ri yondashuv, sabr va mehnat bilan yaxshi daromad qilish mumkinligini yana bir bor tasdiqlaydi. Oila a’zolari barcha ishlarni o‘z kuchi bilan, ya’ni oilaviy mehnat asosida olib borayotganini alohida ta’kidlash joiz.
Xayrullo Baxronovning aytishicha, olinayotgan daromad kelajak uchun yangi imkoniyatlar eshigini ochmoqda. Hozirda ular issiqxonani kengaytirish, zamonaviy texnologiyalarni joriy etish va tropik mevalar yetishtirish bo‘yicha yangi loyihalar ustida ish olib bormoqda. Bu esa nafaqat oila daromadini oshirish, balki hududda yangi ish o‘rinlari yaratish imkonini ham beradi.
Mazkur tajriba shuni ko‘rsatadiki, yerga mehr bilan yondashgan inson albatta uning samarasini ko‘radi. Nasiba Xo‘jamurodova va uning oilasi kabi tashabbuskor dehqonlar yurtimizda qishloq xo‘jaligining rivojiga munosib hissa qo‘shmoqda.
Ularning bugungi muvaffaqiyati — ertangi yirik loyihalarning mustahkam poydevoridir.