Toyloq tumanida yong‘oq va quruq mevalar savdo markazi foydalanishga topshirildi
2026-02-03 19:15:00 / Yangiliklar
Toyloq tumanida yong‘oq va quruq mevalar savdosini tartibga solish, tadbirkorlar hamda xaridorlar uchun qulay va xavfsiz sharoit yaratish maqsadida yangi savdo markazi ish boshladi.
Avvaliga tumanda bozor kunlari yong‘oq va quruq mevalar savdosi betartib ravishda ko‘chalarda amalga oshirilib, bu holat aholi va transport harakati uchun bir qator noqulayliklar tug‘dirib kelayotgan edi. Endilikda mazkur savdo markazining ochilishi orqali ushbu muammoga barham berilib, ko‘cha savdosining oldi olinmoqda.
Mazkur loyiha Sariosiyo mahallasidagi ilgari qarovsiz yotgan yer maydonidan unumli foydalanish maqsadida tashkil etildi. Savdo markazining tantanali ochilish marosimida tuman hokimi Behzod Raxmatullayev, bir qator tashkilot va idoralar vakillari, nuroniylar hamda jamoatchilik faollari ishtirok etdi.
Tadbir davomida Qur’on tilovati qilinib, xayr-sadaqa niyatida jonliq qurbonlik qilindi.