1 oktyabr - "O‘qituvchi va murabbiylar kuni" munosabati bilan Taxiatosh tumani 7-sonli bolalar musiqa va san’at maktabida bayram tadbiri bo‘lib o‘tdi.
2025-09-29 17:50:00 / Yangiliklar
"Yangi O‘zbekistonda eng muhim soha - ta'lim, eng hurmatli insonlar - o‘qituvchi va murabbiylardir!"
1 oktyabr - "O‘qituvchi va murabbiylar kuni" munosabati bilan Taxiatosh tumani 7-sonli bolalar musiqa va san’at maktabida bayram tadbiri bo‘lib o‘tdi.
Tantanali tadbirda tuman hokimining o‘rinbosari Ulug'bek Aytimbetov, tuman maktabgacha va maktab ta'limi bo‘limi boshlig'i Mambetali To‘remuratov, "Nuroniy" jamg'armasi Taxiatosh tumani bo‘limi boshlig'i Aminboy Ersaidov, Respublika ma'naviyat va ma'rifat markazi tuman bo‘limi boshlig'i Mukarama Jumamuratova va boshqa mas’ullar so‘zga chiqib, o‘z kasbining fidoyi ustozlarini qizg'in tabrikladi.
Tadbir davomida bir guruh yuqori natijalarga erishgan, yosh avlod tarbiyasiga o‘z hissasini qo‘shib kelayotgan ustoz va murabbiylar tuman hokimining tashakkurnomasi hamda ta'lim va fan xodimlari kasaba uyushmasi tuman bo‘limi kengashi, tuman maktabgacha va ta'lim bo‘limi tomonidan esdalik sovg'alari bilan taqdirlandi.
San’at ustalarining ijro etgan quvnoq kuy-qo‘shiqlari, samimiy tabriklar, mehr va ehtiromga boy lahzalar barchaga unutilmas bayram kayfiyatini bag'ishladi.