Qoraqalpog`iston Rеspublikаsi Taxiatosh tumani hokimligi

Yo‘l infratuzilmasi - iqtisodiyotni tezlashtiruvchi kuch, innovatsiya va qulaylik manbai

Yo‘llar qanchalik ravon va xavfsiz bo‘lsa, mamlakat taraqqiyoti ham shunchalik barqaror bo‘ladi. Chunki har bir yo‘l - xalqning ertangi kuniga eltuvchi yo‘l.
Aynan shu maqsadda tuman aholisi birlashdi. Og‘izbirchilik, hamjihatlik yengdi. Tashabbusli byudjet loyihasi asosida yo‘l qurish tashabbusi g‘olib deb topildi. Hozirda Nukus shahridan Taxiatosh tumaniga olib boruvchi asosiy yo‘l Qoraqalpog‘istonning 50 yilligi ko‘chasiga asfalt yotqizilmoqda. Taxiatoshda yo‘l infratuzilmasida so‘nggi yillarda bo‘lmagan o‘zgarishlar amalga oshirilmoqda.

Agar tumanga olib kiruvchi asosiy yo‘llarda qulayliklar yaratilsa, tumanning iqtisodiy ahvoli ham yaxshilanadi. Fermerlar o‘z mahsulotlarini tez va arzon narxda sota oladi. Qishloq xo‘jaligi mahsulotlari shahardagi bozorlarga ham yetib boradi.

Investitsiya kirib kelishiga zamin yaratiladi. Yaxshi yo‘l yaxshi investitsiya olib keladi.Ijtimoiy hayot yaxshilanadi. Yo‘l bor joyda maktabga, shifoxonaga, xizmat ko‘rsatishga borish osonlashadi. Yo‘l infratuzilmasi tuman iqtisodiyotini xaritaga joylashtiribgina qolmay, balki uni hayotga, harakatga, taraqqiyotga bog‘laydi.

Yo‘l infratuzilmasi mahalliy iqtisodiyotning barqaror rivojlanishida asosiy omillardan biri hisoblanadi. Zamonaviy va sifatli yo‘l tarmoqlari tumanning iqtisodiy faolligini kuchaytiradi, investitsiyaviy jozibadorligini oshiradi va aholi turmush darajasiga ijobiy ta’sir ko‘rsatadi.

Birinchidan, yo‘llar iqtisodiy aylanish tezligini oshiradi. Mahsulotlarni bozorga yetkazish muddati qisqaradi, transport xarajatlari kamayadi. Bu esa ishlab chiqaruvchilarning raqobatbardoshligini ta’minlaydi.

Ikkinchidan, infratuzilmaning rivojlanishi yangi ish o‘rinlari yaratilishiga olib keladi. Yo‘l qurilishi, ta’mirlash va u bilan bog‘liq xizmat sohalarida ko‘plab mahalliy aholining bandligi ta’minlanadi.

Uchinchidan, sifatli yo‘llar investitsiyalar va turizmni jalb qiladi. Tumanga investorlar va sayyohlarning kirib kelishi iqtisodiy aylanmani kengaytiradi, xizmat ko‘rsatish sohasi rivojlanadi.

To‘rtinchidan, yo‘l infratuzilmasi ijtimoiy infratuzilmalar faoliyatini ham qo‘llab-quvvatlaydi. Aholi sog‘liqni saqlash, ta’lim va boshqa xizmatlarga tezkor yetib borish imkoniyatiga ega bo‘ladi, bu esa tumanning inson kapitali rivojlanishiga zamin yaratadi.