Qoraqalpog`iston Rеspublikаsi Taxiatosh tumani hokimligi

Xotin-qizlarni qo‘llab-quvvatlashga qaratilgan yig‘ilish bo‘lib o‘tdi

Taxiatosh tumani hokimligining majlislar zalida Qoraqalpog‘iston Respublikasi Vazirlar Kengashi Raisining o‘rinbosari, Oila va xotin-qizlar bo‘limi qo‘mitasi raisi Maryam Ahmedova ishtirokida "mahalla yettiligi" mas’ullari bilan muhim yig‘ilish bo‘lib o‘tdi.

Unda xotin-qizlar bandligini ta’minlash, ularni mavsumiy va doimiy ishlarga jalb etish, oilaviy turmush mustahkamligini ta’minlash, ajrimlarni kamaytirish, ayollar tadbirkorligini qo‘llab-quvvatlash, shuningdek, ularning jamiyatdagi faol ishtirokini kuchaytirish masalalari keng muhokama qilindi.

Yig‘ilish davomida mahallalarda olib borilayotgan amaliy ishlar tahlil qilinib, mavjud muammo va kamchiliklarga alohida e’tibor qaratildi. Har bir hudud bo‘yicha aniq takliflar ishlab chiqildi. Shuningdek, xotin-qizlarni kasb-hunarga o‘qitish, oilaviy tadbirkorlikni kengaytirish va ayollarning ijtimoiy faolligini oshirish bo‘yicha mutasaddilarga tegishli topshiriqlar berildi.