Taxiatosh tumani markazidagi Mustaqillik va Seytmuratov ko‘chalariga tutash hududdagi 18 gektar bo‘sh turgan yer maydonida "Kreativ park" qurilish ishlari jadallik bilan davom etmoqda.
2025-07-13 14:45:00 / Yangiliklar
Taxiatosh tumani markazidagi Mustaqillik va Seytmuratov ko‘chalariga tutash hududdagi 18 gektar bo‘sh turgan yer maydonida "Kreativ park" qurilish ishlari jadallik bilan davom etmoqda.
Tashkil etilayotgan bog‘da landshaftli bog‘, favvoralar, madaniy-ommaviy tadbirlar uchun maydon va sahna, amfiteatr, 10 dan ortiq savdo va xizmat ko‘rsatish obyektlari, bolalar o‘yingoh, attraksionlar va suv havzasi tashkil etilishi ko‘zda tutilgan.
Ushbu bog‘ foydalanishga topshirilishi natijasida aholining dam olishi uchun munosib sharoit yaratilib, hudud ko‘kalamzorlashtiriladi va dam olish uchun qulay sayilgohga aylantiriladi. Turli bayram va ommaviy tadbirlarda aholining dam olishi uchun imkoniyat yaratiladi. Eng muhimi, bu yer yoshlarning hordiq chiqaradigan sevimli maskanlaridan biri bo‘ladi.
Ayni kunlarda bu yerda qurilishning dastlabki ishlari amalga oshirilmoqda.