Qoraqalpog`iston Rеspublikаsi Taxiatosh tumani hokimligi

Taxiatosh tumanida keng ko‘lamli ishlar amalga oshirilmoqda

Avval aytganimizdek, tumanimizda ichki yo‘llarni saqlash va ta’mirlash ishlari keng ko‘lamda amalga oshirilmoqda. Tumanning turli mahalla va ko‘chalarida jami 7 kilometr 58 metr ichki asfalt yo‘llarni ta’mirlash ishlari davom etmoqda.

Bugungi kunda ushbu yo‘l ta’mirlash dasturining bir qismi sifatida Sh.Rashidov ko‘chasidagi ichki yo‘llar qurilish ishlari jadal olib borilmoqda. 1 yarim kilometr maydonni obodonlashtirish va ko‘kalamzorlashtirish maqsadida suv liniyasini tortish ishlari qizg‘in davom etmoqda.   Ushbu chora-tadbirlar mahalliy aholi uchun yo‘l harakati xavfsizligini oshirish, transport vositalarining uzluksiz harakatini ta’minlash va umumiy infratuzilmani yanada yaxshilashga qaratilgan.

Kelgusida ushbu yo‘llar tuman aholisi va mehmonlari uchun qulay va xavfsiz harakatlanish muhitini yaratishga xizmat qiladi. Bu esa mahalliy iqtisodiy va ijtimoiy ishlarning rivojlanishiga ijobiy ta’sir ko‘rsatadi.