Qoraqalpog`iston Rеspublikаsi Taxiatosh tumani hokimligi

Taxiatosh tumanida byudjet tushumlari va soliq daromadlari muhokama qilindi

Joriy yilning birinchi yarim yillik yakunlari bo‘yicha Taxiatosh tumani hokimligida yig‘ilish bo‘lib o‘tdi. Unda Vazirlar Kengashi Raisining o‘rinbosari N.Erlepesov va respublika darajasidagi rahbarlar ishtirok etdi.

Yig‘ilishda tumanning 2025 yilning 6 oyi davomidagi byudjet tushumlari holati va soliq daromadlari ko‘rsatkichlari tanqidiy tahlil qilindi. Soliq yig‘ishda kuzatilayotgan kamchiliklar, tahlil va nazorat tizimidagi muammolar hamda ularni bartaraf etish choralari muhokama qilindi.

✅Soliq tushumlari - davlat byudjetini shakllantirishning asosiy manbai hisoblanadi. Ushbu mablag‘lar orqali davlat tomonidan ta’lim, sog‘liqni saqlash, yo‘l qurilishi, ijtimoiy soha loyihalari moliyalashtiriladi. Aholiga bevosita xizmat qiladigan infratuzilmalar yaratiladi va rivojlantiriladi.

✅ Ayniqsa, so‘nggi islohotlar natijasida mahallalarda yig‘ilgan soliq tushumlarining 10 foizi shu mahallaning o‘zida qoldirilishi belgilangan. Bu esa mahalla infratuzilmasini yaxshilash, ijtimoiy loyihalarni amalga oshirish, mahalliy tashabbuslarni moliyalashtirish imkonini yaratadi.

➤ Yig‘ilish yakunida mutasaddilarga soliq tushumlarini oshirish, legallashtirish va elektron hisob-kitob tizimini keng joriy etish bo‘yicha aniq vazifalar yuklatildi.

✅ Ushbu choralar nafaqat davlat, balki har bir fuqaroning farovon turmush kechirishi uchun zamin yaratadi.