Taxiatosh tumani hokimligining majlislar zalida kiberxavfsizlik masalalariga bag‘ishlangan o‘quv seminari tashkil etildi.
2026-06-17 14:50:00 / Yangiliklar
Tadbirda Taxiatosh tumani hokimi I.Sdikov, Qoraqalpog‘iston Respublikasi Ichki ishlar vazirligi Kiberjinoyatlarga qarshi kurashish boshqarmasi boshlig‘i, mayor D.Seytmuratov, tuman prokurori A.Kipshakbaev shuningdek, tumandagi muassasa va korxona rahbarlari ishtirok etdi.
Seminarning asosiy maqsadi - bugungi kunda keng tarqalib borayotgan kiberfiribgarlik holatlari, ularning oldini olish choralari va axborot xavfsizligini ta’minlash bo‘yicha tushunchalar berishdan iborat bo‘ldi.
Tadbir davomida mutaxassislar tomonidan firibgarlar tomonidan qo‘llanilayotgan turli usullar, jumladan, soxta qo‘ng‘iroqlar, shubhali havolalar yuborilgan SMS xabarlar, messenjerlar orqali tarqatilayotgan zararli fayllar va boshqa kiberxavf turlari haqida batafsil ma’lumot berildi.